المهارات التعليمية الأساسية للأطفال في المراحل التأسيسية

-




السلام عليكم و رحمة الله و بركاته , 


طبعاً بعد إنتهاء الدراسة بالشكل السريع ده و الظروف اللي بنمر بيها مش بس في مصر إنما في العالم كله , و خلينا نتكلم بصراحة إن المحتوي التعليمي اللي وصل للأطفال في السنتين اللي فاتو ضئيل جدا دا إذا وصل حاجه أساساً بسبب عوامل كتير منها الأونلاين و اليوم القصير و الأيام المقطعه اللي راحوها و بالتالي عمر مالنتيجة بتكون كويسة أو مُرضية .

طيب ده هيترتب عليه إن كل أسرة هي اللي بتقرر هل هتتعب في شرح و توصيل ما تبقي من المعلومات ولا لأ و طبعا كل واحد حر في الاخر هو عايز لأولاده أيه بس اللي ولادهم صغيرين في مراحل التأسيس او اللي ولادهم في مراحل التجهيز للثانوية العامة بلاش تسيبوهم لأن العاقبة هتكون مش حلوة بعدين . 

و بما أني ذكرت المشكلة هيجي بقي السؤال الصعب طبعاً ده للي قرر يساعد ولاده في العملية التعليمية ,  أنا كأم هعمل إيه و هتصرف إزاي ,


هتكلم إنهاردة عن المراحل التأسيسية , عملت جدول في كل مرحلة المفروض الطفل يكون خارج منها محقق مهارات إيه و في الجدول ده مش كل المهارات اللي الطفل المفروض يكون درسها 
خلينا متفقين الأول إن كل مدرسة مختلفة عن التانية و كل نوع دراسة مختلف يعني المدارس العربي مش زي التجريبي مش زي اللغات مش زي الإنترناشونال بس في أساسيات بتجمعهم كلهم فالجدول ده مش علشان الأم اللي بتدور أن أبنها يكون محقق كل المهارات المطلوبة لسنه إنما دا جدول إسترشادي للأم اللي مش عارفه خالص أبنها في المرحلة دي المفروض يكون بيعرف يعمل إيه و مينفعش تفوت المهارات دي . 
لنفترض مثلا اني كاتبة في الجدول معرفة الحروف و انتي جيتي تراجعي لقيتي مثلا انو مش عارف 3 او 4 يبقي كده مفيش قلق اما لو لقيتيه مش عارفهم كلهم مثلاً او أغلبهم يبقي هنا تبدأي تفكري هتعلميه دا ازاي و نفس الحكاية الأرقام و غيرو . 
طبعاً في حجات كتير ناقصة في الجدول ده و مهارات كتير المفروض كانت تدرس بس انا تعمدت أكتفي بالأساسي فقط علشان اللي فعلاً مش عارف يعمل ايه  و أخترت المواد الأساسية ( عربي و انجليزي و رياضيات ) و متطرقتش لأي علوم مصاحبه بالرغم من أهميتها بس علشان يبقي الموضوع فعلا أساسي فقط و يارب يفيد الأمهات فعلاً و ربنا يعافينا من أزمة الكورونا و يرفع عنا البلاء و يجعل ذريتنا قرة أعين لينا يا رب 






و ده لينك الموضوع علي صفحة الفيس بوك من هنا


تعليقات

إرسال تعليق

المشاركات الشائعة من هذه المدونة

أنشطة تعلم الألوان الأحمر و الأزرق و الأصفر

-
صورة
                                                                         أنشطة لتعلم الألوان الأحمر و الأزرق و الأصفر أعلم ان هذة الأنشطة ربما تكون بسيطة على أبنتى الكبرى لكن تكرار الألوان لا بأس به ما أريد توضيحة أنك اذا بدأت الألوان و طفلك يعلمهم لا بأس أن تزيدى الألون فى الأنشطه مهما كان عمره و كررى الألوان بالقول فى كل لحظه و فى كل موقف به الوان  هذا النشاط هو نشاط المونتيسورى البدائى لتعلم الألوان , لم أشترى اللعبة و لكنى صنعتها بنفسى و سأعرض طريقة صناعتها لاحقا  و هذا النشاط نستخدم فيه الدرس الثلاث المراحل  المرحلة الأولى هى أخبارهم أسماء الألوان  المرحلة الثانية هى سؤالهم أين الأحمر مثلاً  فى المرحلة الثالثة أسأل ما هذا اللون  و اذا تعثرت فى اى مرحلة اعود للمرحلة التى تليها  هذا النشاط نشاط نقل و خلالة أعرفهم بالألوان و عادة الأنشطة لا تتم فى صمت أنما احاول أن أتحدث لأثراء اللغة ان هذا طبق و هذة ملعقة و هذة كرات زرقاء و حمراء و صفراء و يجب نقلهم هذة الفراشات حصلت عليها من محل الخرز و الأكواب مجرد أكواب أيس كريم قديمة لونتها بألوان جواش 
قراءة المزيد

وحدة الكائنات الحية و الغير حية ( الجماد ) Living and Non living

-
صورة
  السلام عليكم و رحمة الله وبركاته اليوم بدأت دراسة العلوم مع بناتي , مع أهتمام أبنتي المتزايد عن التعلم عن الطبيعة من حولنا بشكل عام قررت أن أبدأ دراسة بعض أشكال   العلوم من خلال نظام الوحدات و أخترت المدخل أن يكون الفرق بين الكائنات الحية و الغير حية ( الجماد )  و بدأت اولا بسؤال   كيف نعرف الفرق بين الكائن الحي و الغير حي و كانت إجباتها جيدة جدا فجاوبتني ان الكائن الحي ياكل و يشرب و ينمو و بالنسبة لأبنتي ذات ال6 سنوات لم أحتاج ان ادخل فى المزيد من التفاصيل بل تركتها لنتعرف عليها لاحقا  و بما أننا نزرع بعض النباتات في منزلنا كان سهل عليها أن تعرف ان النباتات كائنات حية لأنها تنمو و تحتاج للمياة و تموت اذا أهملناها .   بدأنا الدرس بنشاط تصنيف بعض الألعاب المتوفرة في المنزل الي كائن حي و جماد و بعد ذلك استخدمنا بعض الصور في نشاط التصنيف. قمنا بعدها لأضافة نشاط اللغة العرية بأن جعلتها تطابق كروت أسماء بعض الصور الموجوده بكلماتها و ذلك يعتبر تمرين جيد علي القراءة  و لزيادة التدريبات راجعنا علي أسماء الأشارة من نضع أمامه هذا و من نضع أمامه هذه   ب عد أن انتهينا بدأت تدريبات علي الجمع بأ
قراءة المزيد

تلخيص كتاب مونتيسورى من البداية ( للاطفال حتى 3 سنوات)

-
صورة
انا هقول المختصر من الكتاب للناس اللى مش بتحب القراءه و اسال ربنا انه ينفعنا بالعلم ده و اسألكم الدعاء لى و لاهل بيتى يارب  :]  و هبدأ بالقاعده التعليميه لماريا مونتيسورى و هى 1- اهل معدين للتعليم اولادهم 2_ بيئه معده للتعليم 3_ حرية مع مسؤلية اللعب على طريقة مونتيسورى و دى هتبدأ اننا هنحط الطفل فى عرفه موضبه و فاضيه على مرتبه على الارض و بجانبه مرايه ( المرتبه هدفها انو ميقعش و يبقى عندوا حرية الحركه و الانطلاق )  بعد الولاده بشهر بنعلق للطفل حبة لعب على بعد من 20 ل 25 سم و بتتغير كل اسبوعين اولهم  1 - رسومات هندسية بالابيض و الاسود  2- 3 مجسمات ثمانيه متغلفه بورق هدايا  3-5 كور ملونه بدرجات الازرق او الروز  4- ورق رسومات مغلف بورق هدايا فضى يتحركو باقل هوا 5- اشكال خشب يستطيع الطفل مسكهم و يخبطهم فى بعض 6- حلقه خشب تخينه مربوطه باستيك 7- شخاليل خشب و حديد اول مالطفل يتم 4 شهور بديلو اسطوانتان خشب شابكين فى بعض علشان يحفزه ينقل الحاجه من ايد لايد من 5 ل 6 شهور ببدأ اقعد الطفل على كرسى ليه ايدين و جوانب بحجمه و انا باكله من 6 شهور بنعمل سله بيها اشياء من حول المنزل
قراءة المزيد