أهمية البازيل للأطفال

 لسلام عليكم و رحمة الله وبركاتة

أغلابنا و إحنا صغيرين كنا بنلعب بالبازيل و في مننا اللي بيهتم يلاعب ولاده بازل و في اللي مش بيفرق معاه و مش بيعرض ولاده للبازيل بسبب الموبيلات و طريقة الللعب الجديدة في حين ان البازيل فعلاً مهمة .

طب إيه أهميتها :

1- البازيل من أهم الحجات اللي بتساعد علي تحسن العضلات الدقيقة عند الأطفال اللي هتساعدهم بعد كده في مسكة القلم و الكتابة و تحريك أيدهم بالشكل اللي يخلي البازيل تركب مظبوط او أن الصورة تتكون فبنلف ايدنا و تحركها علشان تركب بشكل مظبوط

2- البازيل كمان بيساعد علي التازر بين اليد و المخ ( hand eye coordination ) و ده بعد كده مهم علشان القراءة و الكتابة

3- البازيل كمان مهم في تنمية مهارة حل المشكلات و التفكير المنطقي اللي هيكون مدخل كويس بعد كده في التعامل مع الأرقام و الرياضيات

4- البازيل بيحسن الذاكرة و بيزود التركيز و الإنتباه

5 - و من الحجات الحلوة كمان انها بتعلم الأطفال الصبر علي إنجاز المهمات المطلوبة طبعا انا واحده من الناس اللي بتعاني مع بنتها من الزهق و عدم الصبر فالبازيل بتعلم الصبر و كمان إختبار مشاعر السعادة عند انجاز البازيل كاملة

بس في حجات مهمة لازم نراعيها مع اعطاء اولادنا البازيل منها انها تكون منسبة لمستواهم و ننمي المستوي واحدة واحدة يعني الطفل اللي عندو 9 شهور او سنة بعرضة لبازيل الأشكال الهندسية و لما بيبقي سنتين تقريبا اجيب للطفل بازيل من قطعتين ل 4 قطع يكبر شوية اجيبله البازل ال 6 قطع و بعدها ال 8 و بعدها 10 و هكذا في كل مرحلة نشوف المناسب ليها علشان نتجنب مشاعر الفشل و الإحباط بشكل مستمر يعني الطفل اه ممكن يتعرض لبعض مشاعر الفشل و ده مش مضر انما مش بشكل دائم و حاجه كمان لازم اراعيها اني معرضش الطفل لنفس البازيل كتير هيحفظها و مش هتبقي ممتعة بالنسبالة انما لو عرضته مرة و شيلتها فترة و بعدين رجعتلها تاني هيفضل شغوف بيها و بنستفاد من الفوايد بتاعة البازيل .

انا جيبت البازيل دي من منتجات fluffy bird كان نازل عليها عرض كبير قوي لدرجة ان الواحدة كانت ب 18 جنية فكل شوية بينزل عليهم عروض حلوة و في منها قطع كتير و قليل حسب مستوي الطفل

من الأماكن اللي بتبيع بازيل كمان Edu Fun عندهم البازيل من سن شهور لحد سن 6 سنين تقريبا معرفش في أكبر من كده ولا لأ و طبعا في أماكن تانية كتير أهم حاجه نخلي ولادنا يلعبو بالبازيل و ميبقاش البازيل بس علي الموبيل لأنها بتكون فقدت كتير من مميزات لعبها علي الطبيعة