فى بيتنا مدرسة

  لسلام عليكم و رحمة الله وبركاتة أغلابنا و إحنا صغيرين كنا بنلعب بالبازيل و في مننا اللي بيهتم يلاعب ولاده بازل و في اللي مش بيفرق معاه و مش بيعرض ولاده للبازيل بسبب الموبيلات و طريقة الللعب الجديدة في حين ان البازيل فعلاً مهمة . طب إيه أهميتها : 1- البازيل من أهم الحجات اللي بتساعد علي تحسن العضلات الدقيقة عند الأطفال اللي هتساعدهم بعد كده في مسكة القلم و الكتابة و تحريك أيدهم بالشكل اللي يخلي البازيل تركب مظبوط او أن الصورة تتكون فبنلف ايدنا و تحركها علشان تركب بشكل مظبوط 2- البازيل كمان بيساعد علي التازر بين اليد و المخ ( hand eye coordination ) و ده بعد كده مهم علشان القراءة و الكتابة 3- البازيل كمان مهم في تنمية مهارة حل المشكلات و التفكير المنطقي اللي هيكون مدخل كويس بعد كده في التعامل مع الأرقام و الرياضيات 4- البازيل بيحسن الذاكرة و بيزود التركيز و الإنتباه 5 - و من الحجات الحلوة كمان انها بتعلم الأطفال الصبر علي إنجاز المهمات المطلوبة طبعا انا واحده من الناس اللي بتعاني مع بنتها من الزهق و عدم الصبر فالبازيل بتعلم الصبر و كمان إختبار مشاعر السعادة عند انجاز البازيل كامل...

السلام عليكم و رحمة الله و بركات ه ,  طبعاً بعد إنتهاء الدراسة بالشكل السريع ده و الظروف اللي بنمر بيها مش بس في مصر إنما في العالم كله , و خلينا نتكلم بصراحة إن المحتوي التعليمي اللي وصل للأطفال في السنتين اللي فاتو ضئيل جدا دا إذا وصل حاجه أساساً بسبب عوامل كتير منها الأونلاين و اليوم القصير و الأيام المقطعه اللي راحوها و بالتالي عمر مالنتيجة بتكون كويسة أو مُرضية . طيب ده هيترتب عليه إن كل أسرة هي اللي بتقرر هل هتتعب في شرح و توصيل ما تبقي من المعلومات ولا لأ و طبعا كل واحد حر في الاخر هو عايز لأولاده أيه بس اللي ولادهم صغيرين في مراحل التأسيس او اللي ولادهم في مراحل التجهيز للثانوية العامة بلاش تسيبوهم لأن العاقبة هتكون مش حلوة بعدين .  و بما أني ذكرت المشكلة هيجي بقي السؤال الصعب طبعاً ده للي قرر يساعد ولاده في العملية التعليمية ,  أنا كأم هعمل إيه و هتصرف إزاي , هتكلم إنهاردة عن المراحل التأسيسية , عملت جدول في كل مرحلة المفروض الطفل يكون خارج منها محقق مهارات إيه و في الجدول ده مش كل المهارات اللي الطفل المفروض يكون درسها  خلينا متفقين الأول إن كل مدرسة مختلف...

  السلام عليكم و رحمة الله وبركاته اليوم بدأت دراسة العلوم مع بناتي , مع أهتمام أبنتي المتزايد عن التعلم عن الطبيعة من حولنا بشكل عام قررت أن أبدأ دراسة بعض أشكال   العلوم من خلال نظام الوحدات و أخترت المدخل أن يكون الفرق بين الكائنات الحية و الغير حية ( الجماد )  و بدأت اولا بسؤال   كيف نعرف الفرق بين الكائن الحي و الغير حي و كانت إجباتها جيدة جدا فجاوبتني ان الكائن الحي ياكل و يشرب و ينمو و بالنسبة لأبنتي ذات ال6 سنوات لم أحتاج ان ادخل فى المزيد من التفاصيل بل تركتها لنتعرف عليها لاحقا  و بما أننا نزرع بعض النباتات في منزلنا كان سهل عليها أن تعرف ان النباتات كائنات حية لأنها تنمو و تحتاج للمياة و تموت اذا أهملناها .   بدأنا الدرس بنشاط تصنيف بعض الألعاب المتوفرة في المنزل الي كائن حي و جماد و بعد ذلك استخدمنا بعض الصور في نشاط التصنيف. قمنا بعدها لأضافة نشاط اللغة العرية بأن جعلتها تطابق كروت أسماء بعض الصور الموجوده بكلماتها و ذلك يعتبر تمرين جيد علي القراءة  و لزيادة التدريبات راجعنا علي أسماء الأشارة من نضع أمامه هذا و من نضع أمامه هذه...