فى بيتنا مدرسة

معركة الطعام...ألها حل؟ لماذا تبذل الأمهات الكثير من الوقت لتطعم أولادها ؟ لماذا!أولا تعرفين لماذا..لان ابني لا يأكل! أنا خائفة على صحة ابني أنا اطعمه لاني ان لم افعل فستتحول مجرد فكرة نظافة البيت الى حلم! و النتيجة أن تنهك الأم و تحبط..فقد قضت وقتا لا باس به في تجهيز ما لذ و طاب ثم أُرهقت في الجري وراء ابنها ثم هاهي ترى انتاجها الثمين يُرمى و يُبصق بكل سهولة! لقد رايت امهات تجري وراء ابنها طوال اليوم ليأكل ..و هي لا تعلم ان ابنها مستمتع جدا بهذه اللعبة:) أليس هذا استنزاف كبير لوقت و طاقة و سعادة تلك الأم المتعبة ! حسنا.. اليك بعض الخطوات التي جربتها مع بنتاي لحل هذه المشكلة اولا و قبل كل شيء يجب التأكد أ ن وزن طفلك   و معدل نموه طبيعيين و انه لا يبصق الطعام لانه سيء المذاق او لأنه سئم منه. و الان يمكننا ان نبدأ ..:) خطوات حل المشكلة 1 الاستعانة بالله:اذا كانت مشكلة الطعام تؤرقك حقا فاصدقي الاستعانة بالله فهو سبحانه القادر على حل كل مشاكلنا 2 علمي ابنك ان يؤكل نفسه،فالاطفال يستطيعون ان ياكلوا بايديهم في سن التسعة ا

تحدثت سابقا عن أسباب أختيارى موضوع عناية الام بنفسها   و لماذا وضعت أولوية لهذا فى المدونة و قلت سابقا أنى سأشرح العديد مما تعلمت للعناية بالبشره و لكن مهلا هل سأقضى معظم ايامى فى أعتنائى بنفسى و سيظل الامر عشوائى يوم أتذكر و 10 أيام أنسى .او يصيبنى الكسل , فوجدت ان اسلم طريق للنجاح فى اى امر مهما كان بسيط فهو التنظيم  التنظيم يقلل من التراكمات و يوزع أهتمامى بالتساوى لا اهتم كثيرا بشىء على حساب اخر   حددت وقت فى يومى للراحة من أعباء العمل الشاق و جعلته وقت أسترخاء و العناية بالذات  ووجدت ان للتنظيم أثر جيد فى الاستمرارية و المتابعة هذة الورقة تنقسم الى جزئين جزء يومى و جزء شهرى الجزء اليومى يكون روتين العناية بالوجه و القدم و الاسنان و الاظافر اما بخصوص الجزء الشهرى فهنا اضع ما سافعلة فى امور العناية لكن بشكل اكثر تفصيلا و وقتا :بالنسبة لى جعلت اقسام الاهتمام كالاتى الشعر (كحمامات الزيت و حمامات الكريم ) مره او مرتان اسبوعيا  الوجه (ترطيب و ماسكات عنايه ) و ترطيب الشفاه مرة اسبوعيا الكفين و الاظافر ( كالبديكير و التنظيف ) و الترطيب من اثار المواعين الجسم ( ا

"قلة التربية ليست رحمة و حب انما هي إهمال و ترك"  "lack of discipline is not kindness , it is neglect"  Magda Gerber تصرفات أولادنا و أفعالهم احيانا كثيرة تقودنا للجنون و عدم القدرة على التصرف بشكل سليم و أحيانا توهمنا اننا مضطرين لضربهم أو عقابهم لكن مهلا أولادك لا يحتاجو للعقاب ولا يحتاجو للتوبيخ انما يحتاجو للتربية السليمة   عندما يتصرف الاطفال بشكل ملفت أو غير لائق فى الاغلب هو يصرخ من اجل لفت الانتباه لذلك سأعرض بعض المقالات توضح لماذا يتصرف طفلك هكذا و ماذا عليكى ان تفعلى معه و كيف تصبح عملية التربية شئ سهل لكى و لطفلك  و سأبداء ببعض المفاهيم و الحقائق التى يجب ان تعرفيها عندما يصبح لديكى طفل يحتاجك و يحتاج الى توجيهك و حبك و أهتمامك  ولكن قبل أن أبدء  أحب ان اوضح هدفنا نحن كمسلمون من تربية ابناءنا قبل عرض اساليب ال راى فى التربية لان مع وضوح الهدف يسهل الطريق و يتضح  كلكم راع و كلكم مسؤل عن رعيتة فنحن مسؤلون عن ابنائنا و سنسأل امام الله عن ما فعلناه بهذه النعمة التى انعم علينا بها و هل حققنا غايتنا فى اننا جعلناهم مسلمون صالحون مفيدون لد

 مين فينا مبيشتكيش من المطبخ  و السؤال اللى بيتكرر كل يوم و للأسف ملوش اجابة (هتاكلو ايه النهارده ) ارهاق و مجهود ذهنى رهيب محدش حاسس بية و محدش حاسس اد اية ده فعلا مجهود و تضييع رهيب للوقت بس انا النهارده هقولك على حبة حلول تخلى وقت المطبخ أقل كتير مكن ساعة كل يوم او حتى أقل و هحللك مشكلة هتاكلو ايه النهاردة و هتوفرى فى ميزانية البيت و فعلا عمرك مش هيضيع فى الطبيخ . أول خطوة لأى عامل ناجح مش بس الشغل أو اى حاجه فى حياتك هى التنظيم و ترتيب الافكار , طيب ده هنطبقة فى المطبخ بأنك هتجيبى ورقة و قلم و تكتبى ايه الاكلات اللى انتو بتاكلوها تقريبا طول الشهر و اية الحجات اللى بتحبوها ( انا بفضل الاكلات اللى سهل تتعمل مش صوانى و محاشى دى تفاريح انما مش علطول ,استثمارا للوقت ) المهم هتعمللى عصف ذهنى و لو ولادك كبار خليهم يشاركوكى فى الاختيارات و لو جوزك بيحب الاكل و بيحب يختار هياكل ايه خليه هو كمان يشاركك فى الحجات اللى بتحبو تكلوها  حضرتى الورقة هتبتدى تحطى خطة للطبيخ طول الشهر ( ايوه زى مقريتى طول الشهر ) بحيث ان انتى تبقى عارفة علطول هتطبخى اية و مظبطة نفسك على أساسة و تعلقى الورقة فى

كانت معاناه بالنسبالى فكرة كعبى اللى علطول خشن ولا نافع كريمات ولا اى حاجه اروح للكوافير مره و ابقى كويسه و يدوم التاثير لاخر الاسبوع و بعد كده نرجع نعيد تانى من الاول لحد الحمد لله اتجهت للمواد الطبيعية لعلاج المشاكل و هنا كان السحر  رجلى بقت بتفضل فترات طويله جدا ناعمه و منغير مجهود يومى شاق و مهما اتوضيت و غسلت رجلى منغير منشفها بتفضل كأنى لسه حاطه كريم حالا بنعومة فعلا مستمره  نيجى بقى لخطوات الباديكير المنزلى : و كله طبيعى  اول حاجه نقع الرجل بميه دافيه لمده 15 دقيقة ( مش ميه سخنه قوى لان الميه السخنه ممكن تنشف الرجل زياده)و فى الكوافير بتحط فى الميه شامبو انا بقى هحط مكونات تانية خالص   نقطة هحط جوه المية الدافية 1- معلقتين كوبار من بيكاربوناتو 2- و هحط كوباية لبن كبيرة و نقطة زيت لافندر ( اختيارى ) ( البيكاربوناتو هتنضف الجلد و اللبن جواه غذا للقدم و كمان بينعم  هننقع الرجل لمدة ربع ساعة  الخطوة التانية  هى التقشير و دى بعملها على كذا مرحله اولها بستخدم سكرب طبيعى ندعك بيه الرجل بحركة دائرية , بيتكون من ( سكر و معلقتين زيت زيتون و معلقة ليمون )

كتير   مننا بسبب رتم الحياة السريع مبنديش لاطفالنا الفرصة انهم يساعدو فى البيت و ده بيبقى من باب اننا عايزين نخلص بسرعه او  انهم هيعكو الدنيا زياده او انك عايزه الحاجه تبقى فل او انو لسه صغير او انو ولد!!!! او اى سبب تانى بس بالنسبة للطفل الوضع مختلف تماما  طفلك نفسه يحس انو مهم , زيه زيك انتى كمان بتحتاجى تحسى ان ليكى اهميه فى الحياه و ليكى دور كمان طفلك الصغير بيحتاج يحس ده اد ايه لما بتزعقيله او مبتديهوش اهميه هو طبيعى بيكون فى فكره انو ملوش دور و للاسف بيكبر عندو القناعة دى حاجه تانية لما بتدى مهام للطفل بتحسسية انو جزء من البيت انو حد اد ايه مهم و لا يمكن الاستغناء عنو  فى مثل بيقول ( لا تعطنى سمكة و لكن علمنى الصيد ) المثل ده بيورينا حاجه ابنك او بنتك مينفعش تعمليله كل حاجه لانك بتعلميه منغير متشعرى انو يعتمد عليكى فى كل حاجه و النتيجة للاسف بتبقى صعبة كتير قدام طيب دلوقتى انتى عايزه ابنك يكون ليه دور فى البيت و تديله الاحتاج النفسى ده بس هو فعلا لسه صغير هتعملى ايه ؟؟؟ اول حاجة التشجيع : خليكى ايجابية و شجعيهم على كل حاجه بيعملوها مش بس لما المهام تخلص

الكلام هو الوسيلة اللى بنعرف نتواصل بيها و أكبد كل اما طفلك هيأخر كلامه كل اما هيبقى عصبى لعدم قدرته على التواصل معاكو بس طبعا كل طفل بيختلف عن التانى ف استقباله المعلومات و قدرته على اخراجها  أنا هنا هعرض عليكى بعض النصايح اللى ممكن تساعد طفلك انو يتكلم  أهم نصيحة و أكيد انتى سمعتيها أتكلمى كتير أتكلمى عن كل حاجه حواليكى و متقوليش ده ضغير مش فاهم مثلا انتى فى المطبخ بتطبخى هتقولى يلا نطلع الحله من الدرج و نحطها على البوتجاز يالا نعمل السلاطه و تشاورى على التلاجه يالا نطلع الخيار و تديله حته و تقوليله عايز تاكل خيار الخيار اكل و هكذا اقعدى ارغى اد متقدرى و استغلى كل فرصه للكلام مع طفلك ركزى فى كل حاجه طفلك بيحاول يقولها بدل متركزى انو ينطق صح حسسيه انك فاهماه و شجعيه و اديله ثقه فى نفسه انو يقدر يتكلم اول ميقول حاجه صح تدى عليه ان اه ده صح ده طبق مثلا تحسسيه انو بيتكلم صح كررى الكلام كتير و تزهقيش يعنى يالا نقلع الهدوم و يلا نقلع الشراب كررى كل حاجه الخيار اكل و الطماطم اكل متستعملش كلام الاطفال اغ و مم و طريقة كلام مختلفه عن اللى بتتعاملى مع اللى حواليكى بيها

انا هقول المختصر من الكتاب للناس اللى مش بتحب القراءه و اسال ربنا انه ينفعنا بالعلم ده و اسألكم الدعاء لى و لاهل بيتى يارب  :]  و هبدأ بالقاعده التعليميه لماريا مونتيسورى و هى 1- اهل معدين للتعليم اولادهم 2_ بيئه معده للتعليم 3_ حرية مع مسؤلية اللعب على طريقة مونتيسورى و دى هتبدأ اننا هنحط الطفل فى عرفه موضبه و فاضيه على مرتبه على الارض و بجانبه مرايه ( المرتبه هدفها انو ميقعش و يبقى عندوا حرية الحركه و الانطلاق )  بعد الولاده بشهر بنعلق للطفل حبة لعب على بعد من 20 ل 25 سم و بتتغير كل اسبوعين اولهم  1 - رسومات هندسية بالابيض و الاسود  2- 3 مجسمات ثمانيه متغلفه بورق هدايا  3-5 كور ملونه بدرجات الازرق او الروز  4- ورق رسومات مغلف بورق هدايا فضى يتحركو باقل هوا 5- اشكال خشب يستطيع الطفل مسكهم و يخبطهم فى بعض 6- حلقه خشب تخينه مربوطه باستيك 7- شخاليل خشب و حديد اول مالطفل يتم 4 شهور بديلو اسطوانتان خشب شابكين فى بعض علشان يحفزه ينقل الحاجه من ايد لايد من 5 ل 6 شهور ببدأ اقعد الطفل على كرسى ليه ايدين و جوانب بحجمه و انا باكله من 6 شهور بنعمل سله بيها اشياء من حول المنزل