ليه بندى مهام لولدنا علشان يعملوها فى البيت !! و ازاى نخليهم يعملو المهام دى !! و ايه المهام اللى ممكن طفلك يعملها حسب عمره؟؟؟

كتير 

مننا بسبب رتم الحياة السريع مبنديش لاطفالنا الفرصة انهم يساعدو فى البيت و ده بيبقى من باب اننا عايزين نخلص بسرعه او

 انهم هيعكو الدنيا زياده او انك عايزه الحاجه تبقى فل او انو لسه صغير او انو ولد!!!! او اى سبب تانى بس بالنسبة للطفل الوضع مختلف تماما 

طفلك نفسه يحس انو مهم , زيه زيك انتى كمان بتحتاجى تحسى ان ليكى اهميه فى الحياه و ليكى دور كمان طفلك الصغير بيحتاج يحس ده اد ايه لما بتزعقيله او مبتديهوش اهميه هو طبيعى بيكون فى فكره انو ملوش دور و للاسف بيكبر عندو القناعة دى

حاجه تانية لما بتدى مهام للطفل بتحسسية انو جزء من البيت انو حد اد ايه مهم و لا يمكن الاستغناء عنو 

فى مثل بيقول ( لا تعطنى سمكة و لكن علمنى الصيد ) المثل ده بيورينا حاجه ابنك او بنتك مينفعش تعمليله كل حاجه لانك بتعلميه منغير متشعرى انو يعتمد عليكى فى كل حاجه و النتيجة للاسف بتبقى صعبة كتير قدام

طيب دلوقتى انتى عايزه ابنك يكون ليه دور فى البيت و تديله الاحتاج النفسى ده بس هو فعلا لسه صغير هتعملى ايه ؟؟؟

اول حاجة التشجيع : خليكى ايجابية و شجعيهم على كل حاجه بيعملوها مش بس لما المهام تخلص ده طول مطفلك بيعمل المهمة شجعة و حسسيه اد ايه اللى بيعمله مهم و احكى لوالده انو اد ايه كان شاطر و عمل المهمه المطلوبه منه

تانى حاجة العقاب : اوعى تستخدمى الشغل كانو عقاب كده هيكرهو انهم يعملو اى حاجه فى البيت . تعاملى مع المهام على انها للعب و انها حاجه جميلة طفلك بيعملهت

ثالث حاجه ممكن تخترعى شغل : يعنى مش لازم تكون الترابيزه متربه علشان طفلك يمسحها 

رابع حاجة خليكى فاكرة ان شغل الاطفال هو فى الاصل شغل اكتر ليكى بس صدقينى الموضوع فعلا يستحق

خامس حاجه ممكن تعلقى ورقه بالمهام المطلوبه من كل طفل 

سادس حاجة انتسى ان طفلك هيعمل الحاجه تمام و 100 100 و اكيد مش و هو عندو سنتين هيعمل زى اللى عندو 5 او 10 فخليكى هادية علشان خطرى 

ابنك بردو مش لسه صغير مش كل شويه لما يكبر هيتعلم لما يكبر هيتعلم لما يكبر مش هيعمل حاجه مش بس كده ده لما يكبر و يضطر انو يعمل حاجه و طبعا محدش ضامن الزمن ممكن يعمل ايه هيتعب جامد لو انتى مش معلماه و معوداه يعمل ايه و فعلا محدش ضامن تقلب الدهر

أخر حاجه طبعا هى انك تختارى المهام المناسبة لسن طفلك و د اللى هقولك تعرفيه ازاى

بعد معرفتى المهام اللى ممكن طفلك بنفذها  دلوقتى 

متعمليش كل حاجه لطفلك سيبه يعمل كل اللى يقدر عليه و بطلى الحجات اللى بتعمليهاله لانك بتضريه اكتر بكتير من ظنك انك بتنفعيه