تلخيص كتاب مونتيسورى من البداية ( للاطفال حتى 3 سنوات)

انا هقول المختصر من الكتاب للناس اللى مش بتحب القراءه و اسال ربنا انه ينفعنا بالعلم ده و اسألكم الدعاء لى و لاهل بيتى يارب :] و هبدأ بالقاعده التعليميه لماريا مونتيسورى و هى
1- اهل معدين للتعليم اولادهم
2_ بيئه معده للتعليم
3_ حرية مع مسؤلية

اللعب على طريقة مونتيسورى و دى هتبدأ اننا هنحط الطفل فى عرفه موضبه و فاضيه على مرتبه على الارض و بجانبه مرايه ( المرتبه هدفها انو ميقعش و يبقى عندوا حرية الحركه و الانطلاق ) 
بعد الولاده بشهر بنعلق للطفل حبة لعب على بعد من 20 ل 25 سم و بتتغير كل اسبوعين اولهم 
1 - رسومات هندسية بالابيض و الاسود 
2- 3 مجسمات ثمانيه متغلفه بورق هدايا 
3-5 كور ملونه بدرجات الازرق او الروز 
4- ورق رسومات مغلف بورق هدايا فضى يتحركو باقل هوا
5- اشكال خشب يستطيع الطفل مسكهم و يخبطهم فى بعض
6- حلقه خشب تخينه مربوطه باستيك
7- شخاليل خشب و حديد
اول مالطفل يتم 4 شهور بديلو اسطوانتان خشب شابكين فى بعض علشان يحفزه ينقل الحاجه من ايد لايد
من 5 ل 6 شهور ببدأ اقعد الطفل على كرسى ليه ايدين و جوانب بحجمه و انا باكله
من 6 شهور بنعمل سله بيها اشياء من حول المنزل امان ان الطفل يلعب بيها و بديهالو و لازم اغير محتوا السله ده كتير لان الاطفال بيزهقو بسرعه و ارجع اعيد من الاول و تكرر الحاجه المألوفه ده مهم علشان ينمى التركيز
عند 6 شهور بردو بجيب كوره كوتش و اسطوانه فيها شخاليل علشان الطفل يتحفز انو يزحف وراهم
عند 10 شهور بنقدم كوره جوه علبه خشب بتخرج لما الطفل بحطها من الفتحه
بعدها بنقدم عمود بينزل منو حلقات
عند 12 شهر بنقدم علبه و صندوق بيدخلو فى بعض
فى 14 شهر بنقدم كوبنز بيدخلو فى فتحه شبه الحصاله
15 شهر مكعبات بها خرم صغيره
16 شهر علقات صغيره تدخل فى عصايه مره مستقيمه و مره متعرجه http://www.howwemontessori.com/how-we-montessori/2011/08/interlocking-discs-and-hand-to-hand-transfer.html


معلومات مهمه لما الطفل يكون منهمك فى نشاط على الاب و الام ميشتتهوش ولا حتى بالتسقيف و التشجيع كفايه ابتسامه
الادوات المونتيسورى مينفعش تبقى بلاستيك لازم تبقى حجات حقيقيه مش لعب
قاعده تانيه لازم يبقى لكل حاجه فى البيت مكان محدد و تبقى كل حاجه فى مكانها #فى_بيتنا_مدرسة
قاعده تالته متديش للمخ اكتر مبتدى لليد
متقلقيش من كم اللعب و اشكالها انا ان شاء الله هوريكو انا بعمل اللعب دى ازاى و بحجات متوفره فى البيت بسهوله

الذكاء اللغوى و ده بنقسم لكذا جزء
فن
موسيقى
لغة شفهيه
لغة كتابيه
و العاب و لعب تخيلى
و ده هنشرحو بالتفصيل

من 18 ل 20 شهر شخبطة
من سن سنتين حط فى غرفة الطفل لوحتين حلوين واحده قريبه منه وواحده بعيد 
من سن 3 سنين الطفل هيبدأ يشرح هو رسم ايه شجره بيته 
من اربع سنين هيستخدموا الحروف المتحركه و يعملو قصه

مخابيطن سن سنتين و نص هقدم للطفل فى صينيه ليها حواف قلم الوان (ازرق او اصفر او احمر) يكون قلم خشب مش فلومستر ولا شمع علشان لما الطفل يتقل ايدو اللون يتقل و لما يخففها اللون يخف وورقق ابيض مقطع صغير يرسم عليه
بعد كده صبوره و تباشير ابيض
بعد كده صلصال
بعدها خرز و خيط
بعدها قص و لزق ( المقص لازم يكون بيقص ميكنش لعبه مبيقصش )
بعدها خياطه على قطعة كرتون
كل الانشطه الفنيه بتقدم فى باسكيت او صينيه و تكون تحت اشراف الاهل
لازم اشرح للطفل الاول الادوات بتستخدم ازاى
لو الادوات انتهت فى بؤ الطفل لازم انهى النشاط و ارجع اقدمه فى يوم تانى
الادوات لازم تستخدم بحرص و اهتمام فى كل مرة
ترابيزة الاكل مناسبه للاعمال الفنيه بس يتحط عليها لوح اكريلك علشان متتبهدلش
بينصحو بلبس مريله وقت الاعمال الفنيه تكون مختلفه عن مريلة تحضير الاكل

بداية كده الموسيقى و الالات الوتريه حرام و انا لا انصح اى حد انو ينفذ الكلام ده بالشكل ده انا بس هقول المعلومات اللى فى الباب ده من باب ان احنا ممكن نستخدم نفس النظرية مع القران او اى حاجه تانيه مفيده , هى فى الكتاب عايزه تربى الطفل انو يحترم و يقدر الموسيقى فبتنصح ان الطفل يسمع افضل حاجه فى الثقافه بتاعته فلو سمحتو يعنى لو كده هتشغلى اغانى بلاش اوكا و و ارتيجا و اغانى شعبى الحجات دى تلوث اصلا و كلها مليانه انحطاط اخلاقى مش عايزين ولادنا يتربو على كده

ارجع بقى للكتاب
من سن 8 شهور الطفل بيحب يلعب بالشخاليل
من سن سنه بيحب يسمع صوت التسقيف بايده
من سن 18 شهر بيحب يخبط بعصايه على طبله او اكسليفون
الادوات الموسيقيه مينفعش تستخدم كلعب
بيقدمو فى اوقات محدده
لازم يكون فى وقت هدوء مبيعملوش حاجه غير سماع الموسيقى
متسبش المويقى شغاله فى الخلفيه لازم تكون بتتسمع

كل اما هتككررى الاصوات اللى بيطلعها ابنك كل اما هيتكلم اكتر
قولى اسامى الحجات اللى بتشتغلى بيها و بتستخدميها فى ايه طول اليوم
نتكلم مع الاطفال ببطئ حتى 12 سنه يعنى منتعصبش و نضرب العيال علشان مجمعوش بسرعه الاطفال لحد سن 12 سنه بتجمع ابطئ مننا
عند 12 شهر الطفل بيكون اتعلم 6 كلمات و بيزود عليها كل شهر
اول مبيستقبل 50 كلمه بيزود كلمه كل يوم
من 12 ل 24 شهر المخ بيتكون بسرعة رهيبه
لما نسال الطفل نكرر السؤال كذا مره و بصبر منغير عصبيه او زهق
لازم نكرر كلام الطفل كاننا بندخل معاه فى حوار 

تنمية اللغه الكتابية بتبدأ من عمر 18 شهر
فى البدايه بنجيب طبق او صينيه بنحط فيها ( اطباق , ادوات مطبخ , خضار , فاكهه , حيوانات ) و بتحطى على الرف بتاع الطفل كل مره 3 من نوع واحد يكتشفهم
بعدها بنلعب مثلا فين الفيل و الطفل يطلع الفيل من وسط ال3 حيوانات بعدها اسالو ايه ده ده فيل ( السر فى التكرار على مدار ايام او اسابيع او حتى شهور ) الحجات دى لازم تكون فى هيئه لعب مش على هيئة حصه
بعد مالطفل يتعود على الحاجه اجيب كروت و الطفل يطابق الكروت مع الحاجه الحقيقية
الكتب مهمة جدا للطفل تتحط فى مكان واحد لوحدها و مش مع اللعب و اجيبله كرسى للقراءه لما يحب يقرا يقعد عليه و يشوفنى و انا بقرا قدامه و لما اجى اقرا يبقى هدوء و مردش عليه لحد اما اخلص الا لو فى خطر
عدد الكتب يبقى قليل 4 و الباقى يتشال بعيد و كل فتره اغير بعد كده ارجع اعيد من الاول
القراءه للاطفال قبل النوم مهمة
القراءه لازم تبقى ممتعه للطفل و للى بيقراله علشان منقعش فى حتة اخر صفحة و نخلص 

الالعاب لازم تكون حقيقية من الخشب مش بلاستيك ( الجزء ده انا حابه اعلق عليه هى عايزه اللعب حقيقيه علشان تبقى شبه الواقع بس هما بره الخشب عندهم رخيص و كل حاجه من الخشب انما احنا لا و كمان مش فى حياتنا بالشكل بتاع بره فراىى ان كل واحد يعمل اللى يقدر عليه يعنى مش معنى ان اللعبه او النشاط مش خشب يبقى بلاش منه نحاول تبقى الحاجه شبه الحقيقى و خلاص )
الطفل مش بيحتاج الا لعب قليله قوى ( دبدوب و عروسه و مكعبات ) انما بيحتاج حجات تعليميه
العروسه و البيت لعبه حلوه جدا للاطفال اكتر من 3 سنين
عند عمر 18 شهر الطفل يتعلم يرص قوض لعبه قوة النوم ازاى قوضة السفره
الحيوانات ممكن تتقسم فى الاقفاص زى جنينة الحيوانات
العربيات و اللوارى بردو بتساعد على الابداع بس مثلا انتى هتجيبى عربيتين نفس الشكل واحده احمر وواحه اصفر و هتبداءى تشاورى عربيه صفرا عربيه حمرا لازم نسمى الحاجه و احنا بنلعب
لازم منزحمش الطفل بلعب كتير علشان نسيب فرصه للابداع 

من 15 ل 18 شهر فيما فوق الاطفال بتحب تاخد مهام و على الاهل لازم يشركو اولادهم على اساس ميولهم و المقدره بتاعة كل وقت فى الحجات التاليه
1 يوضبو و يلمو و يحضروا السفره
2- يفضو حاجة السوبر ماركت
3- يحضرو الاكل
4- يخبزو 
5- يصبو عصير و مياه
6- يغسلو الاطباق
7- يقسمو و يطبقو الغسيل
8- يحطو الغسيل مكانو
9- يكنسو و يمسحو الطرابيزه
10-ينضفو الشبابيك و المرايات
11- يوضبو قوضهم
12- يسقو الزرع
13- يخيطو و يكوو
14- يخلو بالهم من الزرع
( فى حاجه مهمه احنا مش بنعلم الكلام ده علشان نرتاح او تشيل من علينا حبة تعب احنا بنعلمهم يتحملو المسؤليه و شتان بين الام اللى بترمى كل حاجه على ولادها بحجة انها كده بتربى و بين اللى فعلا بتربى الحجات دى احنا بنعلمهم يعملوها ازاى علشان ميتعبوش ققدام و يعرفو ان ليهم دور فى البيت انما مش بالضرب احنا لازم نتحلى بالهدوء الحاجه لو متعملتش تعمليها انتى و الام لازم تكون بطيئه جدا فى شرح هى بتعمل ايه و صبر و هدوء مثلا امسح الطبق بايدى الاتنين اقطع التفاحه من الجنب كل حاجه اراقب نفسى بعميلها على كام خطوه و اعميلها بالراحه احنا ككبار بنعمل الحاجه بسرعه علشان متعودين لازم نركز احنا بنعمل ايه الاول
لو الطفل وقف فى نص المهمه لازم الكبير يكمل
بسبب ان احنا بنبقى عايزين نخلص المهام بسرعه و صح بنبقى متحكمين و
بنزق الطفل انو يعمل الحاجه صح و النتيجه بتبقى طفل مشدود و متكل على اهله
الكلام ده ولاد و بنات ( انا بس حبيت اوضح الموضع ده لان فى ناس بتقول ولد و بصراحه يعنى المجتمع مش ناقص )

انا قلت فى الاول ان السر فى نجاح منهج مونتيسورى ان البيئه بتاعة الطفل تكون مجهزه علشان نعرف نعلموا و بالذات انشطة الحياه العمليه
طيب ازاى هنحضر البيئه دى
1 - طرابيزه (يفضل فى المطبخ بس طبعا حسب المساحه عندك )
2- كرسى فى حجم الطفل
3- جزء فلى المطبخ جواه معالق و شوك و اطباق و شفاشق و كبيات صغيره جدا و حتة مطبخ 
(خلو بالكو الطفل اقل من 6 سنين ميعرفش يفهم هو محتاج ايه و يلاقى الحاجه دى فين )
طيب هنرص الحاجه دى ازاى :
جيبى 3 رفوف (لو معندكيش حته فى المطبخ فاضيه ممكن تجيبى تلت رفوف استانلس او بلاستيك من اى محل ادوات منزليه ) الحجات هتترص من فوق لتحت و هما بره بيعملوها من الشمال لليمين احنا اكيد العكس ( الطفل بيتعود على الترتيب و بيبقى جزء من طريقة تفكيره و ذكاؤه
الرف الاول : قواعد اطباق و فوطه اكل مطبقه و باسكيت جواه 6 معالق و شوك شبه بعض ( عايزين الطفل يركز فى طعم و درججة حرارة الاكل مش المعالق و الشوك )
الرف التانى : 4 ل 6 سلاطين جمبهم 4 ل 6 اطباق ( بالشكل ده بنعلم الطفل التصنيف )
الرف التالت : 2 ل 3 شفاشق صغيرين جمبهم 8 ل 10 كوبايات بس كله شبه بعض و شفافين علشان الطفل يعرف الكميه اللى جوه ( احنا الاول بنحط كميه صغيره فى الشفشق لحد اما الطفل يبقى شاطر فى الصب )
( الادوات لازم تكون رخيصه علشان لما يتكسرو تعرفى تجيبى تانى و متزعليش على اللى راح :) )
رصى بقى الطرابيزه قدام الطفل قاعدة الطبق و بعده الطبق و جمبه المعلقه و الكوبايه علشان بعد كده هو يرصها
دى الادوات علشان الاكل الادوات اللازمه علشان تحضير الاكل
1- صلتانيتين شكلهم مختلف
2- لوحة تقطيع
3-سكينه صعيره
4- لو هيغسل الفاكهه يبقى مصفى صغيره
5 - باسكيت صغير جواه مقشره و سكينة فرد و اى ادوات صغيره
اقل من سنتين و نص الطفل محتج مساعده
تقطيع الموز افضل حاجه فى البداية
لما بنيجى نقطع بنحط الحتت اللى اتقطعت فى سلطانيه و البواقى او القشر فى الطبق التانى بس لازم فى ساعتها لو الطفل حط الاكل فى بقه
النشاط لازم ينتهى فى ساعتها
تنضيف الاطباق محتاجين
1 - علبتين بلاستيك
2- فرشة تنضيف
3- فوطة تنشيف
4 - شفشق جواه ميه علشان نملى العلبه البلاستيك ( خدى ابنك معاكى و انتى بتملى الشفشق هينبسط )
5 - صفاية اطباق
واحده واحده بتحطى الحاجه جنب بعض و بتغسلى و تنشفى الطبق و تحطيه فى الصفايه و مع الوقت الطفل هيقلدك 

النوم :
الطفل اللى لسه مولود بينام من 16 ل 18 ساعه يوميا
الطفل عند 6 شهور بينام بالليل و بينام مرتين الظهر
الطفل من سن سنتين ل 5 سينين بينام 12 ساعه فى اليوم 11 ساعه بالبيل و ساعه الظهر
الطفل من 6 ل 9 سينين بينام 10 سعات باليل 
من 10 ل 12 سنه بينام 8 سعات فى اليوم
من 12 ل 15 بيرجع ينام 10 ل 12 ساعه لان الفتره دى فى العمر بيبقى فيها نشاط زايد و ادخال معلومات اكتر
بما اننا عرفنا ان دى احتياجات اطفالنا من النوم فنساعدهم انهم ينامو و لازم يتعمل نوم الظهر و يتسبت ميعادو و الطفل يبقى عارف ان ده وقت النوم حتى لو رفض بتقفلى الباب علشان ينام و بتقولى بقى ان انا ابنى جميل ووابنى هادى بتقوليلو الكلام ده و لازم ينام
(فى حاجه كانت الكاتبه قالتها ان الطفل لازم يحس ان الام ماسكه بذمام الامور و هى المتصرفه لانه لو محسش ده هو هيمسك ذمام الامور يعنى لازم تكون الام حازمه فى بعض الامور لما يشبط فى حاجه مثلا او عايز يتشال هيخبط و يدبدب لو الام تاثرت و عملت اللى هو عايزه بتبقى مشكله انتى بتسبيه يعيط و بعض مالاموضوع يخلص و يبطل عياط بتشراحيلو انتى رفضتى ليه و بتتكلمى معاه بهدوء اهم حاجه منغير زعيق لازم يحس ان الام ليا شخصيه )
الاكل
انا مش فى صدد اشرح فوائد الرضاعه الطبيعيه عن الصناعى بس المجمل ان الرضاعه الطبيعيه مفيده
الرضاعه لازم تكون فى هدوء و عزله و منغير متعملى اى حاجه تانيه وقت الرضاعه علشان الطفل يحس بالارطبات بينه و بين امه و ميكنش فى اطفال تانين ( انا عارفه ان الكلام ده صعب بس يعنى كل واحد يعمل اللى يقدر عليه )
لما هنبدأ ناكل الكبير بيعد فى الجهه المقابله للطفل
البافيته تبقى بلزق علشان الاطفال بتضايق من الحجات اللى بتتعمل من وراهم
وقت اكل الطفل ميبقاش نفس وقت الاكل بتاع الاب و الام الى حين ان الطفل يعرف ياكل نفسه
اجيب حاجة الاكل كلها و انا باكل طفلى و بعلمه علشان ميبقاش فى تشتت
من سن 6 شهور اول مالطفل يعرف ياكل بصوابعه اسيبه و احطله اكل مكعب يعرف ياكله
المياه فى الاول بدخلها بالمعلقه بعدها فى كوبايه بكميات صغيره
لو الطفل بدا يلعب و يمشى من الكرسى اشيل الاكل و مطلعش اكل غير عند ميعاد الوجبه اللى بعدها و بكره هيتعلم ان وقت الاكل لازم هيلتزم و متخافيش مش هيجراله حاجه لو ماكلش بس هيتعلم كتير الموضوع هياخد كذا يوم و بعدها هيلتزم
الطفل بيعد ياكل مع اهله فاكهه و لبن بس انما الوجبه الاساسيه لوحده
بنقدم المعلقه و الطفل عندو 10 شهور و الشوكه بعديه من سنه او 14 شهر
الكرسى و الطرابيزه بيبقو فى مكان محدد و الطفل بيعد عليهم وقت الاكل و
عايزين نوصل ان الطفل لما يجوع بيروح يقعد على الكرسى لواحده
اللبس :
من اول يوم ابدأ اقولها دا دراعك و دى رجلك ويلا ندخل جوه الكم و هكذا و لما تيجى مرحلة انى اعلمها تقلع و تلبس هدومها التعليم يبقى بهدوم واسعه
الترتيب و التكرار فى الكلام و الحركات مهم جدا
الزراير و السوست من سن سنتين و بالراحه جدا
لما بنعلم لبس الشراب بنبدأ الاول ندخل حته و بعدها بنخلى الطفل بصوابعه بايده الاتنين يرفعه
لازم اعلم الطفل انو يختار دا بيزود ثقته بنفسه و بيقلل العند بس لازم اقلل الاختيارات ل 2 بس علشان كتر الاختيارات بيجيب تشتت
لما الطفل بيوصل 3 سينين ممكن يتعلم يعلق الجاكت بتاعه على شماعه نبقى فى طوله و لازم يبقى فى سبت على باب الشقه يرص فيه جزمه و عليقه للبرنيطه و الكوفيه
من سن سنتين خيطى حلقه كبيره فى الجاكت علشان الطفل يعلقها منها
( الكلام و العادات دى علشان هما بيلبسو برانيط فى الساقعه و كوفيات و هكذا خليكى انتى مبدعه و شوفى ابنك بيلبس ايه و بيعمل ايه فى يومه بحيث توظفى الكلام ده على حياتكو بالشكل اللى يناسبنا احنا ) 

كل العادات اللى عايزه اعود طفلى عليها لازم اعملها روتين يومى و ميعاد محدد لكل عاده او نشاط
نبدأ بتسريح الشعر :
اجيب فرشه فى حجم كف الطفل (موجوده فى كل شئ )
مرايه طويله و سبت جواه الفرشه و مشط صغير و فى مكان محدد طبعا , ولى الامر بيعد جنب الطفل و بيشوفه بيعمل ايه و بعدها باخد منها الفرشه و بقول ده دورى دلوقتى و اكمل تسريحهها و مقولش انها معرفتش تسرح فى اوقات هتحتاج انى احط ايدى على ايدها علشان اوريها التسريح بيتعمل ازاى
غسيل الاسنان :
هنحتاج معجون سنان صغير و فرشه صغيره و كوبايه صغيره و نبتدى نخلق عادة عسيل سننا هنا الفكره مش الغسيل قد فكرة خلق العاده
و نبدأ فى تعليم الموضوع ده لما الطفل يبقى عايز يتعلم و ده تقريبا على السنه الفكره بقى انو لازم يشوف اهله بيغسلو سنانهم علشان يعوز يتعلم
تنضيف الانف
هنحتاج باسكيت صغير و مناديل مطبقه مربعات
بنفك المنديل من مربع لمستطيل و بنحطها فوق الانف مش عند الفتحات و بنضغط بايدنا الاتنين و ننفخ بالراحه و بعد كده نمشى ايدنا على انفنا علشان تنضف الكلام ده بنعلمه للطفل و بنعمله يوميا
الاستحمام
بنحط عليقه واطيه فى الحمام علشان الطفل يطولها و فوطه و ليفه صغيره
و احنا بنحميهم بنديهم حبة وقت هما يدعكو شعرهم او يعملو اللى بنعمله
بتحطى حبة شامبو صغيرين فى ايد الطفل و بتخليه يدعك شعره او بتجيبى علبه شامبو صغيره فاضيه و تحطى فيها حبه و هو يضغط و ينزل فى ايدو
لما كل واحد بياخد دور الهدف بيتحقق بمعنى دورى جه ويلا دورك 

يارب اكون بسط الموضوع و لو فى اى حد عندو اى استفسار يقولى و انا ان شاء الله مش هتأخر