أبنى أتأخر فى الكلام أعمل أية

الكلام هو الوسيلة اللى بنعرف نتواصل بيها و أكبد كل اما طفلك هيأخر كلامه كل اما هيبقى عصبى لعدم قدرته على التواصل معاكو بس طبعا كل طفل بيختلف عن التانى ف استقباله المعلومات و قدرته على اخراجها 

أنا هنا هعرض عليكى بعض النصايح اللى ممكن تساعد طفلك انو يتكلم 

أهم نصيحة و أكيد انتى سمعتيها أتكلمى كتير أتكلمى عن كل حاجه حواليكى و متقوليش ده ضغير مش فاهم مثلا انتى فى المطبخ بتطبخى هتقولى يلا نطلع الحله من الدرج و نحطها على البوتجاز يالا نعمل السلاطه و تشاورى على التلاجه يالا نطلع الخيار و تديله حته و تقوليله عايز تاكل خيار الخيار اكل و هكذا اقعدى ارغى اد متقدرى و استغلى كل فرصه للكلام مع طفلك

ركزى فى كل حاجه طفلك بيحاول يقولها بدل متركزى انو ينطق صح حسسيه انك فاهماه و شجعيه و اديله ثقه فى نفسه انو يقدر يتكلم

اول ميقول حاجه صح تدى عليه ان اه ده صح ده طبق مثلا تحسسيه انو بيتكلم صح

كررى الكلام كتير و تزهقيش يعنى يالا نقلع الهدوم و يلا نقلع الشراب كررى كل حاجه الخيار اكل و الطماطم اكل

متستعملش كلام الاطفال اغ و مم و طريقة كلام مختلفه عن اللى بتتعاملى مع اللى حواليكى بيها علشان كمان الطفل ميحسش انو مختلف او انو مجرد لعبه كل ده هيأخر كلامه

 نصيحه من أهم النصايح ابنك مبيتكلمش أققفلى التلفزيون التلفزيون مخاطره رهيبه و هيخليه مجرد مستقبل لمعلومه و مش هيخاليه عايز يتواصل مع اللى حواليه

حاجه كمان مهمه حاولى توجهيله أسأله و اديله وقت انو يرض مثلا 15 ثانيه متخليهوش مجرد مستقبل و طبعا كل اما هيكبر هيبقى فى ايجابات اكتر و اساله اكبر من تسأليهالو

بطئى كلامك متتكلميش معاه بسرعه حاولى كمان توريله حركة شفايفك و انتى بتتكلمى

كل اما تلعبو مع بعض اتكلمى لو ولد يلا نسابق العربيات لو بنت يالا نعمل شاى فى الفنجان و هكذا 

متخليش طفلك طايل كل حاجه علشان لما يعوز حاجه معينه هيشاورلك عليها تعملى من بنها و تقوليله مثلا لو هو عايز الميه و الميه جنبها برواز او اى حاجه تمسكى الحاجه التانيه و تقوليله ايه ده انتا عايز دى هيشاور تقوليله مش فاهمه قولى يعنى غلسى حبه بس مش كتير قوى لازم برده الطقل يفضل واثف فيكى 

دى بعض النصايح ممكن تساعدك ان طفلك يتكلم و فى صديقه ليه كانت عامله نصائح للتخاطب للاطفال ذوى متلازمة داون لانهم بيبقى الكلام من أكتر المصاعب اللى بتقابلهم و بتشرح فى المقال ازاى نساعدهم فلو طفلك من متلازمة داون هيكون المقال ده ليكى و لو لأ معلومات كتير داخل المقال هتساعدك تخلى طفلك يتكلم اسرع 

و ممكن تحملى المقال من هنا

وطبعا متنسيش الدعاء لان ربنا هو الوحيد القادر على كل شئ و دى كلها مجرد اسباب و ربنا الوحيد اللى بايده كل شئ