الخطوات للتخلص من خشونة القدم و الحصول على قدم ناعم مثل الاطفال :)
كانت معاناه بالنسبالى فكرة كعبى اللى علطول خشن ولا نافع كريمات ولا اى حاجه
اروح للكوافير مره و ابقى كويسه و يدوم التاثير لاخر الاسبوع و بعد كده نرجع نعيد تانى من الاول لحد الحمد لله اتجهت للمواد الطبيعية لعلاج المشاكل و هنا كان السحر
رجلى بقت بتفضل فترات طويله جدا ناعمه و منغير مجهود يومى شاق و مهما اتوضيت و غسلت رجلى منغير منشفها بتفضل كأنى لسه حاطه كريم حالا بنعومة فعلا مستمره
نيجى بقى لخطوات الباديكير المنزلى : و كله طبيعى
اول حاجه نقع الرجل بميه دافيه لمده 15 دقيقة ( مش ميه سخنه قوى لان الميه السخنه ممكن تنشف الرجل زياده)و
فى الكوافير بتحط فى الميه شامبو انا بقى هحط مكونات تانية خالص
نقطة هحط جوه المية الدافية 1- معلقتين كوبار من بيكاربوناتو 2- و هحط كوباية لبن كبيرة و نقطة زيت لافندر ( اختيارى ) ( البيكاربوناتو هتنضف الجلد و اللبن جواه غذا للقدم و كمان بينعم
هننقع الرجل لمدة ربع ساعة
الخطوة التانية
هى التقشير و دى بعملها على كذا مرحله اولها بستخدم سكرب طبيعى ندعك بيه الرجل بحركة دائرية , بيتكون من ( سكر و معلقتين زيت زيتون و معلقة ليمون ) او ( نص ليمونة فقط ) او لو حبة اشيل علمات غامقة او افتح بستخدم ( معلقة كبيرة دقيق ارز و ليمون و معلقة صغيره عسل و 4 معالق لبن و بسيبه على رجلى 5 دقايق و بعد كده ادعك رجلى و ارجعه تانى الميه ) او بكتفى بشوفان مطحون مع نقطة مية
تانى مرحلة التقشير باستخدام الحجره و انا بفضل الحجر الطبيعى مش الصناعى و طبعا بنركز فى دعك المناطق الناشفة
الخاطوة التالتة و هى البرد باستخدام مبرد يدوى او كهربائى و ممكن متعمليش الخطوه دى خالص
اخر خطوه هى الترطيب و انا بستخدم حبة مكونات ( 5 نقط زيت لوز حلو مع 5 نقط زيت جوجوبا و نص معلقة صغيرة زيت جوز هند بكر ) و بعد مبحط الخليط بحط فوقه فازلين و بلبس شراب علشان اضمن تشرب الرجل كاملا للمكونات
و بعد كده ممكن كل يومين تلاته دهن الجلد بمكونات الترطيب قبل النوم و خلاص و أعادة كل الخطوات كل اسبوع او اتنين او حسب الاحتياج
وزى متفقنه الوقت ده علشان تهدى و تريحى اعصابك و أستمتعى بالنتيجة
تحذير : لازم تجربة المكونات على جزء صغير من الجلد اولا حتى لا يكون فى حساسية لاى من المكونات
و الوصفات السابقة مجرد تجارب شخصية و لا يمكن الاخذ بها كنصائح طبية
تعليقات
إرسال تعليق