فى بيتنا مدرسة

كانت معاناه بالنسبالى فكرة كعبى اللى علطول خشن ولا نافع كريمات ولا اى حاجه اروح للكوافير مره و ابقى كويسه و يدوم التاثير لاخر الاسبوع و بعد كده نرجع نعيد تانى من الاول لحد الحمد لله اتجهت للمواد الطبيعية لعلاج المشاكل و هنا كان السحر  رجلى بقت بتفضل فترات طويله جدا ناعمه و منغير مجهود يومى شاق و مهما اتوضيت و غسلت رجلى منغير منشفها بتفضل كأنى لسه حاطه كريم حالا بنعومة فعلا مستمره  نيجى بقى لخطوات الباديكير المنزلى : و كله طبيعى  اول حاجه نقع الرجل بميه دافيه لمده 15 دقيقة ( مش ميه سخنه قوى لان الميه السخنه ممكن تنشف الرجل زياده)و فى الكوافير بتحط فى الميه شامبو انا بقى هحط مكونات تانية خالص   نقطة هحط جوه المية الدافية 1- معلقتين كوبار من بيكاربوناتو 2- و هحط كوباية لبن كبيرة و نقطة زيت لافندر ( اختيارى ) ( البيكاربوناتو هتنضف الجلد و اللبن جواه غذا للقدم و كمان بينعم  هننقع الرجل لمدة ربع ساعة  الخطوة التانية  هى التقشير و دى بعملها على كذا مرحله اولها بستخدم سكرب طبيعى ندعك بيه الرجل بحركة دائرية , بيتكون من ( سك...

كتير   مننا بسبب رتم الحياة السريع مبنديش لاطفالنا الفرصة انهم يساعدو فى البيت و ده بيبقى من باب اننا عايزين نخلص بسرعه او  انهم هيعكو الدنيا زياده او انك عايزه الحاجه تبقى فل او انو لسه صغير او انو ولد!!!! او اى سبب تانى بس بالنسبة للطفل الوضع مختلف تماما  طفلك نفسه يحس انو مهم , زيه زيك انتى كمان بتحتاجى تحسى ان ليكى اهميه فى الحياه و ليكى دور كمان طفلك الصغير بيحتاج يحس ده اد ايه لما بتزعقيله او مبتديهوش اهميه هو طبيعى بيكون فى فكره انو ملوش دور و للاسف بيكبر عندو القناعة دى حاجه تانية لما بتدى مهام للطفل بتحسسية انو جزء من البيت انو حد اد ايه مهم و لا يمكن الاستغناء عنو  فى مثل بيقول ( لا تعطنى سمكة و لكن علمنى الصيد ) المثل ده بيورينا حاجه ابنك او بنتك مينفعش تعمليله كل حاجه لانك بتعلميه منغير متشعرى انو يعتمد عليكى فى كل حاجه و النتيجة للاسف بتبقى صعبة كتير قدام طيب دلوقتى انتى عايزه ابنك يكون ليه دور فى البيت و تديله الاحتاج النفسى ده بس هو فعلا لسه صغير هتعملى ايه ؟؟؟ اول حاجة التشجيع : خليكى ايجابية و شجعيهم على كل حاجه بيعملوها مش ...

الكلام هو الوسيلة اللى بنعرف نتواصل بيها و أكبد كل اما طفلك هيأخر كلامه كل اما هيبقى عصبى لعدم قدرته على التواصل معاكو بس طبعا كل طفل بيختلف عن التانى ف استقباله المعلومات و قدرته على اخراجها  أنا هنا هعرض عليكى بعض النصايح اللى ممكن تساعد طفلك انو يتكلم  أهم نصيحة و أكيد انتى سمعتيها أتكلمى كتير أتكلمى عن كل حاجه حواليكى و متقوليش ده ضغير مش فاهم مثلا انتى فى المطبخ بتطبخى هتقولى يلا نطلع الحله من الدرج و نحطها على البوتجاز يالا نعمل السلاطه و تشاورى على التلاجه يالا نطلع الخيار و تديله حته و تقوليله عايز تاكل خيار الخيار اكل و هكذا اقعدى ارغى اد متقدرى و استغلى كل فرصه للكلام مع طفلك ركزى فى كل حاجه طفلك بيحاول يقولها بدل متركزى انو ينطق صح حسسيه انك فاهماه و شجعيه و اديله ثقه فى نفسه انو يقدر يتكلم اول ميقول حاجه صح تدى عليه ان اه ده صح ده طبق مثلا تحسسيه انو بيتكلم صح كررى الكلام كتير و تزهقيش يعنى يالا نقلع الهدوم و يلا نقلع الشراب كررى كل حاجه الخيار اكل و الطماطم اكل متستعملش كلام الاطفال اغ و مم و طريقة كلام مختلفه عن اللى بتتعاملى مع اللى حوا...

انا هقول المختصر من الكتاب للناس اللى مش بتحب القراءه و اسال ربنا انه ينفعنا بالعلم ده و اسألكم الدعاء لى و لاهل بيتى يارب  :]  و هبدأ بالقاعده التعليميه لماريا مونتيسورى و هى 1- اهل معدين للتعليم اولادهم 2_ بيئه معده للتعليم 3_ حرية مع مسؤلية اللعب على طريقة مونتيسورى و دى هتبدأ اننا هنحط الطفل فى عرفه موضبه و فاضيه على مرتبه على الارض و بجانبه مرايه ( المرتبه هدفها انو ميقعش و يبقى عندوا حرية الحركه و الانطلاق )  بعد الولاده بشهر بنعلق للطفل حبة لعب على بعد من 20 ل 25 سم و بتتغير كل اسبوعين اولهم  1 - رسومات هندسية بالابيض و الاسود  2- 3 مجسمات ثمانيه متغلفه بورق هدايا  3-5 كور ملونه بدرجات الازرق او الروز  4- ورق رسومات مغلف بورق هدايا فضى يتحركو باقل هوا 5- اشكال خشب يستطيع الطفل مسكهم و يخبطهم فى بعض 6- حلقه خشب تخينه مربوطه باستيك 7- شخاليل خشب و حديد اول مالطفل يتم 4 شهور بديلو اسطوانتان خشب شابكين فى بعض علشان يحفزه ينقل الحاجه من ايد لايد من 5 ل 6 شهور ببدأ اقعد الطفل على كرسى ليه ايدين و جوانب بحجمه و انا باكله من 6 شهور ...

اول 3 شهور اكتر حاجه بنحاول نعملها اننا نحسس الطفل بالامان لانو بيبقى خايف من الرحله اللى مر بيها فبنحاول فى كل الانشطه يكون هدفها الامان اللى فى الصوره دول montessori baby mobiles عليقات بتتعلق للطفل و بتتغير كل اسبوعين من تانى اسبوع من ميلاد الطفل انا بصراحه معملتش الا اول 3 طبعا هنكلم البيبى كتير علشان يسمع صوت مامته ده هيحسسو بالامان جدا احضان كتير و مساج كتير و كده و علشان خطرى بلاش اول ميتولد يتساب يعيط لحد اما يتفلق كده الطفل بيتشد اكتر و بيخاف و هيعيط اكتر الموضوع مرهق انا عارفه و بيجى عليا اوقات ببقى عايزه احدف عيالى من الشباك بس بقول لنفسى انو لسه نونو و اكيد محتاجنى حاجه تانيه ممكن نعملها نهز الطفل و هشتكه خفيه كانك قاعده على كرسى هزاز ده هيساعده  اسرع على الاتزان انتو طبعا عارفين ان حواس الطفل لما بيتولد بتكون لسه مش قويه يعنى لو اول متولد سمع و شاف و حس بكل حاجه بنفس القوه هينهار المهم نظر الطفل اول مبيتولد مبيبقاش قوى و بيبقى مزغلل فعلشان يطمن بنحطله صور و حجات كلها ابيض و اسود جنب بعض فبكده بنقوى نظره , و يثق فى العالم حواليه ...

سؤال سألتهولى امهات كتير أزاى أعرف أحدد النشاط المناسب لسن أبنى او بنتى حسب عمره  فى طرق و تقيمات كتيره لعمر الطفل و قدراته زى البورتيدج و مونتيسورى و غيرو بس لقيت ان تقيم كارولينا افضل بالنسبالى لانو بيحدد حتى الطفل اللى عمره شهور يقدر يعمل ايه و كمان منظم اكتر  تقييم كارولينا فى الاصل معمول علشان الاطفال ذوى الاحتياجات الخاصه علشان يعرف ذويهم الطفل الطبيعى بيعمل ايه امتى و يساعدهم فى تحقيق النمو الطبيعى و الوصل لمستوى أقرانهم فى مرحلة التدخل المبكر طيب لو طفلك طبيعى هتحتاجى ده فى أيه ؟؟؟؟  هقولك يا ستى يعنى مثلا انتى حبيتى تقدمى لطفلك نشاط عن ازاى يفتح السوسته او انتى عايزاه ياكل بالمعلقه او يلبس و يقلع لوحده التقييم ده هيساعدك انك تعرفى ازا كان هو ده الوقت المناسب للنشاط ده ولا لأ و مش بس كده هيخليكى تخرجى من دايرة لأا اصله لسه صغير ميلبسش لوحده لأا اصله مش فاهم انو يحط الغسيل فى السبت و كده فده هيكون بمثابة مرجع ليكى  التقيم للاطفال لحد سن 6 سنوات  التقييم ده للأطفال لحد سن ست سنوات يارب يفيدكو و ممكن تحملى التقييم من هنا و طبعا لو...

انهارده حابه أشرح ايه الخطوات اللى بتابعها كل يوم الصبح منها علشان أهدى أعصابى من شغل البيت و منها الفوايد الصحية اللى بتنعكس على بشرتى و زى موضحت فى مقال سابق رفضى للمكونات اللى فيها كيماويات فهوضح ايه الحجات اللى بستاعملها و فوايدها و طرية استخدامها  اول حاجه المواد اللى بستخدمها اول خطوه انى بعمل تنظيف لوشى باستخدام جل الصبار من خلال انى بحط جزء من جل الصبار على قطنه و بدهنها على وشى  فوائد جل الصبار  بيعالج حروق الشمس  مرطب طبيعى للبشرة  بيعالج الحبوب  و بيحارب علمات التقدم فى العمر  و ليه فوايد تاتيه كتير بس ده اهمها الخطوة التانيه هى عملية التقشير للبشره و ازالة الجلد الميتو العملية دى مش بس بتعالج البشره انما كمان بتجرى الدوره الدموية فى الوجه و بتساعد فى جعل الوجه و الجسم اكتر أشراقا و فى الخطوه دى انا بستعمل الشوفان المطحون  فوائد الشوفان  الشوفان له خصائص مضاضة للالتهابات و بيعالج الحبوب و الطفح الجلدى و الاكزيما و الاحمرارو بيعمل كمرطب و بيشيل الخلايا الميته  استخدامى ليه بانى بطحنه و ببله ...

بعد مخلفت بنتى الاولى حبيبة بحوالى 6 شهور أكتشفت أنى حامل تانى فى بنتى التانية نور و عدت شهور الحمل الصعبة و طبعا مع كل يوم شكلى كان بيتغير و ببقى شبه عفريت العلبة اكتر لحد اما جت اللحظه و قلت خلاص هخلص من الوجع و التعب و خلفت لقيت نفسى داخله فى دوامة عياط و غيار و تنضيف و غيرو و كل شوية ابص لولادى و ابص لشكلى انا ازاى بقيت كده  بقيت كأيبه و نكدية الى اقصى درجة و حسيت انى فجأه ضيعت شبابى فى ايدى بس  بعد فترة من البحث ازاى فى امهات بتقضى حياتها كده , ازاى فى ناس بتستحمل كل ده لأ و مكملين و عايشين و كمان مبسوطين أكيد كان فى سر  لقيت كتير منهم مبيهملوش فى نفسهم الموضوع ده و ان كان بعيد عن التعليم المنزلى الا انو بيفرق فى نفسية الام اللى بترتاح و بتبقى مبسوطه فبتعرف تدى اللى حواليها  كان فى بوست لراجل مصرى كان بيقول فيه ان جواز الست السورية أفضل مليوم مره من الست المصرية لأن المصرية مبتهتمش بنفسها و الموضوع مش شكل بس ده اهتام بصحتها و لعب الرياضه و حتى تبقى ناعمه و رقيقة و بالرغم من ان البوست ده كان ظالم جدا للست المصرية بسبب كمية الضغوط و الاعباء الرهيبه الل...

بعد متكلمت عن  أسبابى لأختيار التعليم المنزلى  دلوقتى هوضح ايه هو اصلا التعليم المنزلى اللى بتمنى تطبيقه مع بناتى بأذن الله  اول مبدأت افكر فى بديل حقيقى للمدرسة كان كل تصورى عن التعليم المنزلى هو انى احول التعليم من الديسك اللى فى المدرسة لديسك نانى فى البيت مع مراعاة الانشطة الزيادة اللى هيحتاج ولادى يعملوها بره البيت لكن مع الوقت و التجربة اكتشفت ان ده مفهوم قاصر جدا عن اللى ممكن اعمله مع ولادى و الفرص اللى قدامنا فى عملية التعلم  أنا هنا هتكلم عن المرحلة العمرية لبناتى و الى 7 سنوات و هى مرحلة اللعب عند الاطفال و الفتره الحرجه على رأى ماريا مونتيسورى  فى الفترة اللى فاتت اكتشفت انى باثقل البنات بجزء كبير اكاديمى فى الوقت المحدد للتعليم زى المدرسة او الحضانه و باقى اليوم اللى بزوده لخبراتهم قليل قوى ما غيرت المفهوم ده بان حياتنا اصلا تتحول لعملية التعلم و ربط كل حاجه بنتعلمها بالواقع اللى عيشينه و ده من خلال ربط مثلا الخضار و الوانه بوقت تقطيع السلطه و العد لما بنعد الفاكهه و الاقلام و احنا بنكتب كم التحصيل كان اكبر بكتير من الوقت اللى بنع...