أسلوب الراى RIE فى التربية

-
من فترة كنت بشتكى لبعض لأصدقائى المهتمين بالتربية انى خلاص مش قادرة استحمل الزن و العياط و مش فاهمه ولادى و انهم صغيريين و متعبين جدا فصديقة ليه نصحتنى فى البحث عن أسلوب التربية بطريقة ال راى و قالتلى ان اسلوبها فعلا بيصلح للاطفال الصغيرين من عمر ولادى .
و من هنا بدأت ابحث عن مبادأه اللى طبقت جزء كبير منها و كانت النتايج فعلا ملحوظه على بناتى و الهدوء فيهم زاد بعد الزن و العياط اللى بستمرار و انهارده هعرض مبادئ ال RIE 
زى مبتعرضهم مؤسسة العلم ده ماجدة جربر
و هى تقول ان الاساس فى فلسفة الراى هو احترام و الثقة فى الطفل انو يقدر يبدأ و يكتشف و يتعلم بنفسة و دورنا احنا كالاتى 

نوفر البيئة المناسبة للطفل اللى تكون أمان و فيها الوسائل اللى تغذى عقلة و تساعده على الاكتشاف 


نوفر للطفل وقت للعب الحر و نديلة الحرية انو يلعب و يكتشف مع اطفال تانين


نخلى الطفل يشارك فى كل عمليات الرعاية بذاته زى الغيار و اللبس و غيرو علشان يحس انو شخص فعال مش مجرد متلقى ملوش لزمه !

نتابع الطفل كويس علشان نعرف بالظبط ايه هى فعلا احتيجاته 

نعرفهم بهدوء ايه هى حدودهم علشان نرسى قواعد التربية 

وده اللينك لمبادئ الفلسفة لماجده جيربرhttp://www.magdagerber.org/blog/magda-gerbers-rie-philosophy-basic-principles

و تلميذة ماجدة جيربر جانيت لانسبيرى بتشرح بشكل افضل ازاى نعامل الطفل مبداء الاحترام و نفعل الاحترام فى حياتنا عن طريق 9طرق و هما كالاتى 


نحترم الطفل بطريقة كلامنا يعنى نكلمه كأنه شخص كبير فاهم منتعاملش معاه بلغة الاطفال انجغ و غيرو من طريقة الكلمات بتاعة الاطفال و نكلمهم عن حجات حقيقية حوالينا منضحكش عليهم يعنى و نقول اطفال , نسالهم اسأله و نديهم وقتهم انهم يردو و نحترم طريقتهم فى التعبير عن رأيهم 


نخليهم يشاركو فى كل طرقنا فى الاهتمام بيهم مثلا حبيبه بنتى بتحب تمسك الليفه و هى بتستحمه بديها وقتها و اعلمها تغسل نفسها بالراحه ازاى و بحاول اشاركها فى وضع الحفاض فى الباسكيت بعد مبنغيرو اول متمت سنه تقريبا اديتها المعلقه و اديتها فرصتها انها تاكل بنسها ( الاهتمام بالشكل ده بيقوى العلاقه بين الطفل و امه و مش بس كده ده بيديله ثقه فى نفسه انو يقدر يبقى انسان مستقل ) ت

نوفرلهم لعب حر منغير منعد ندخل كل شويه هما بيلعبو بايه ازاى و نحترم اختيارتهم و طريقة لعبهم 

نوفرلهم بيئه مليانه مؤثرات تعلمهم منغير منحطلهم قيود ده هيخليهم ينمو القدرات المعرفية و الحركية ليهم و عن تجربة لما البنات بيخرجو فى الهوا فى الجناين و يلعبو اكتشافهم و قدراتهم على التعلم بتكون اسرع بكتير من مجرد تلقينهم حبة صور فى البيت

ندى الاطفال الحرية فى الطريقة اللى بيعبرو بيها عن مشاعرهم وده عن طريق ملحظتهم و فهمهم

الاطفال بيحتاجو اننا نكون قاده واثقين من نفسنا و اننا نحط قيود واضحه فى تربيتنا ليهم بس مش محتاجين عقاب و اننا نحسسهم بالخجل من نفسهم لو عملو حاجه غلط 

ندى الطفل وقته فى انه يشوف نتيجة الغلط اللى عمله و يصلح اخطاءه بنفسة حسب عمره بمساعدتنا 

و نبقى عارفين ان مهما قولنا ان حاجه معينه غلط و احنا بنعمل الغلط ده عمر مولادنا هيستوعبو انو غلط فاهم حاجه فى التربيه هو اننا اصلا نكون قدوه حسنه لولدنا و نربى نفسنا الاول 


ده اللينك للمقال الاصلى لجانيت لانسبرى للى يحب يطلع عليه 
و ان شاء الله هشرح ازاى نقدر نوظف المبادئ دى مع معظم المشاكل اللى بتواجهنا مع ولادنا فى السن الصغير 




تعليقات

إرسال تعليق

المشاركات الشائعة من هذه المدونة

أنشطة تعلم الألوان الأحمر و الأزرق و الأصفر

-
صورة
                                                                         أنشطة لتعلم الألوان الأحمر و الأزرق و الأصفر أعلم ان هذة الأنشطة ربما تكون بسيطة على أبنتى الكبرى لكن تكرار الألوان لا بأس به ما أريد توضيحة أنك اذا بدأت الألوان و طفلك يعلمهم لا بأس أن تزيدى الألون فى الأنشطه مهما كان عمره و كررى الألوان بالقول فى كل لحظه و فى كل موقف به الوان  هذا النشاط هو نشاط المونتيسورى البدائى لتعلم الألوان , لم أشترى اللعبة و لكنى صنعتها بنفسى و سأعرض طريقة صناعتها لاحقا  و هذا النشاط نستخدم فيه الدرس الثلاث المراحل  المرحلة الأولى هى أخبارهم أسماء الألوان  المرحلة الثانية هى سؤالهم أين الأحمر مثلاً  فى المرحلة الثالثة أسأل ما هذا اللون  و اذا تعثرت فى اى مرحلة اعود للمرحلة التى تليها  هذا النشاط نشاط نقل و خلالة أعرفهم بالألوان و عادة الأنشطة لا تتم فى صمت أنما احاول أن أتحدث لأثراء اللغة ان هذا طبق و هذة ملعقة و هذة كرات زرقاء و حمراء و صفراء و يجب نقلهم هذة الفراشات حصلت عليها من محل الخرز و الأكواب مجرد أكواب أيس كريم قديمة لونتها بألوان جواش 
قراءة المزيد

وحدة الكائنات الحية و الغير حية ( الجماد ) Living and Non living

-
صورة
  السلام عليكم و رحمة الله وبركاته اليوم بدأت دراسة العلوم مع بناتي , مع أهتمام أبنتي المتزايد عن التعلم عن الطبيعة من حولنا بشكل عام قررت أن أبدأ دراسة بعض أشكال   العلوم من خلال نظام الوحدات و أخترت المدخل أن يكون الفرق بين الكائنات الحية و الغير حية ( الجماد )  و بدأت اولا بسؤال   كيف نعرف الفرق بين الكائن الحي و الغير حي و كانت إجباتها جيدة جدا فجاوبتني ان الكائن الحي ياكل و يشرب و ينمو و بالنسبة لأبنتي ذات ال6 سنوات لم أحتاج ان ادخل فى المزيد من التفاصيل بل تركتها لنتعرف عليها لاحقا  و بما أننا نزرع بعض النباتات في منزلنا كان سهل عليها أن تعرف ان النباتات كائنات حية لأنها تنمو و تحتاج للمياة و تموت اذا أهملناها .   بدأنا الدرس بنشاط تصنيف بعض الألعاب المتوفرة في المنزل الي كائن حي و جماد و بعد ذلك استخدمنا بعض الصور في نشاط التصنيف. قمنا بعدها لأضافة نشاط اللغة العرية بأن جعلتها تطابق كروت أسماء بعض الصور الموجوده بكلماتها و ذلك يعتبر تمرين جيد علي القراءة  و لزيادة التدريبات راجعنا علي أسماء الأشارة من نضع أمامه هذا و من نضع أمامه هذه   ب عد أن انتهينا بدأت تدريبات علي الجمع بأ
قراءة المزيد

تلخيص كتاب مونتيسورى من البداية ( للاطفال حتى 3 سنوات)

-
صورة
انا هقول المختصر من الكتاب للناس اللى مش بتحب القراءه و اسال ربنا انه ينفعنا بالعلم ده و اسألكم الدعاء لى و لاهل بيتى يارب  :]  و هبدأ بالقاعده التعليميه لماريا مونتيسورى و هى 1- اهل معدين للتعليم اولادهم 2_ بيئه معده للتعليم 3_ حرية مع مسؤلية اللعب على طريقة مونتيسورى و دى هتبدأ اننا هنحط الطفل فى عرفه موضبه و فاضيه على مرتبه على الارض و بجانبه مرايه ( المرتبه هدفها انو ميقعش و يبقى عندوا حرية الحركه و الانطلاق )  بعد الولاده بشهر بنعلق للطفل حبة لعب على بعد من 20 ل 25 سم و بتتغير كل اسبوعين اولهم  1 - رسومات هندسية بالابيض و الاسود  2- 3 مجسمات ثمانيه متغلفه بورق هدايا  3-5 كور ملونه بدرجات الازرق او الروز  4- ورق رسومات مغلف بورق هدايا فضى يتحركو باقل هوا 5- اشكال خشب يستطيع الطفل مسكهم و يخبطهم فى بعض 6- حلقه خشب تخينه مربوطه باستيك 7- شخاليل خشب و حديد اول مالطفل يتم 4 شهور بديلو اسطوانتان خشب شابكين فى بعض علشان يحفزه ينقل الحاجه من ايد لايد من 5 ل 6 شهور ببدأ اقعد الطفل على كرسى ليه ايدين و جوانب بحجمه و انا باكله من 6 شهور بنعمل سله بيها اشياء من حول المنزل
قراءة المزيد