التعليم المنزلى كما اراه

-


بعد متكلمت عن أسبابى لأختيار التعليم المنزلى دلوقتى هوضح ايه هو اصلا التعليم المنزلى اللى بتمنى تطبيقه مع بناتى بأذن الله 

اول مبدأت افكر فى بديل حقيقى للمدرسة كان كل تصورى عن التعليم المنزلى هو انى احول التعليم من الديسك اللى فى المدرسة لديسك نانى فى البيت مع مراعاة الانشطة الزيادة اللى هيحتاج ولادى يعملوها بره البيت لكن مع الوقت و التجربة اكتشفت ان ده مفهوم قاصر جدا عن اللى ممكن اعمله مع ولادى و الفرص اللى قدامنا فى عملية التعلم 

أنا هنا هتكلم عن المرحلة العمرية لبناتى و الى 7 سنوات و هى مرحلة اللعب عند الاطفال و الفتره الحرجه على رأى ماريا مونتيسورى 

فى الفترة اللى فاتت اكتشفت انى باثقل البنات بجزء كبير اكاديمى فى الوقت المحدد للتعليم زى المدرسة او الحضانه و باقى اليوم اللى بزوده لخبراتهم قليل قوى ما غيرت المفهوم ده بان حياتنا اصلا تتحول لعملية التعلم و ربط كل حاجه بنتعلمها بالواقع اللى عيشينه و ده من خلال ربط مثلا الخضار و الوانه بوقت تقطيع السلطه و العد لما بنعد الفاكهه و الاقلام و احنا بنكتب كم التحصيل كان اكبر بكتير من الوقت اللى بنعده ملتزمين بوقت الحصة وده كان اول استنتاج استنتجتة ان هدف من اهداف التعليم المنزلى انى احول التعليم من مجرد حبر على ورق لاسلوب حياه بيتعاش فى كل لحظه

بنظام التعليم المونتيسورى كان الموضوع مرتبط عندى باانشطه و كنت فصلاه عن الواقع و هنا وقعت فى مشكله رهيبه انى فى الوقت البعيد عن النشاط علطول مستعجله و مبديش فرصة لبناتى انهم يحاولو يساعدونى ظننا منى انى كده هخلص اسرع بس لما غيرت الفكر ده و قررت ابطأ ايقاع الحياه و اديتهم فرصتهم انهم يتعلمو الوضع معاهم بقى احسن و كفأتهم بتزيد و بكده أكتشفت انى لما بديهم فرصه فى مساعدتى انا كده بساعدهم انهم يتعلمو , بساعدهم يبقو مشاركين و ليهم دور فى البيت و بساعدهم فعلا انهم يتعلمو

التعليم المنزلى بالنسبالى مش مجرد دراسة اكاديمية هعلم بناتى العلوم و الحساب التعليم المنزلى هو انهم يبقى عندهم القدره على البحث و انهم يطلعو مستمتعين بعملية التعلم , طبيعى ربنا خلقنا عندنا شغف نتعلم كل حاجه حوالينا و كل دورى انى انمى عندهم الاحساس ده على عكس المدرسة اللى بطفى الاحساس ده عند معظم طلابها للاسف 

هدفى من التعليم المنزلى هو انى اعلم ولادى ازاى يعرفو يبحثو و يتعلمو و اربطلهم التعليم بحياتهم و جعل عملية التعلم هى الامتع على الاطلاق

تعليقات

إرسال تعليق

المشاركات الشائعة من هذه المدونة

أنشطة تعلم الألوان الأحمر و الأزرق و الأصفر

-
صورة
                                                                         أنشطة لتعلم الألوان الأحمر و الأزرق و الأصفر أعلم ان هذة الأنشطة ربما تكون بسيطة على أبنتى الكبرى لكن تكرار الألوان لا بأس به ما أريد توضيحة أنك اذا بدأت الألوان و طفلك يعلمهم لا بأس أن تزيدى الألون فى الأنشطه مهما كان عمره و كررى الألوان بالقول فى كل لحظه و فى كل موقف به الوان  هذا النشاط هو نشاط المونتيسورى البدائى لتعلم الألوان , لم أشترى اللعبة و لكنى صنعتها بنفسى و سأعرض طريقة صناعتها لاحقا  و هذا النشاط نستخدم فيه الدرس الثلاث المراحل  المرحلة الأولى هى أخبارهم أسماء الألوان  المرحلة الثانية هى سؤالهم أين الأحمر مثلاً  فى المرحلة الثالثة أسأل ما هذا اللون  و اذا تعثرت فى اى مرحلة اعود للمرحلة التى تليها  هذا النشاط نشاط نقل و خلالة أعرفهم بالألوان و عادة الأنش...
قراءة المزيد

تلخيص كتاب مونتيسورى من البداية ( للاطفال حتى 3 سنوات)

-
صورة
انا هقول المختصر من الكتاب للناس اللى مش بتحب القراءه و اسال ربنا انه ينفعنا بالعلم ده و اسألكم الدعاء لى و لاهل بيتى يارب  :]  و هبدأ بالقاعده التعليميه لماريا مونتيسورى و هى 1- اهل معدين للتعليم اولادهم 2_ بيئه معده للتعليم 3_ حرية مع مسؤلية اللعب على طريقة مونتيسورى و دى هتبدأ اننا هنحط الطفل فى عرفه موضبه و فاضيه على مرتبه على الارض و بجانبه مرايه ( المرتبه هدفها انو ميقعش و يبقى عندوا حرية الحركه و الانطلاق )  بعد الولاده بشهر بنعلق للطفل حبة لعب على بعد من 20 ل 25 سم و بتتغير كل اسبوعين اولهم  1 - رسومات هندسية بالابيض و الاسود  2- 3 مجسمات ثمانيه متغلفه بورق هدايا  3-5 كور ملونه بدرجات الازرق او الروز  4- ورق رسومات مغلف بورق هدايا فضى يتحركو باقل هوا 5- اشكال خشب يستطيع الطفل مسكهم و يخبطهم فى بعض 6- حلقه خشب تخينه مربوطه باستيك 7- شخاليل خشب و حديد اول مالطفل يتم 4 شهور بديلو اسطوانتان خشب شابكين فى بعض علشان يحفزه ينقل الحاجه من ايد لايد من 5 ل 6 شهور ببدأ اقعد الطفل على كرسى ليه ايدين و جوانب بحجمه و انا باكله من 6 شهور ...
قراءة المزيد

وحدة الكائنات الحية و الغير حية ( الجماد ) Living and Non living

-
صورة
  السلام عليكم و رحمة الله وبركاته اليوم بدأت دراسة العلوم مع بناتي , مع أهتمام أبنتي المتزايد عن التعلم عن الطبيعة من حولنا بشكل عام قررت أن أبدأ دراسة بعض أشكال   العلوم من خلال نظام الوحدات و أخترت المدخل أن يكون الفرق بين الكائنات الحية و الغير حية ( الجماد )  و بدأت اولا بسؤال   كيف نعرف الفرق بين الكائن الحي و الغير حي و كانت إجباتها جيدة جدا فجاوبتني ان الكائن الحي ياكل و يشرب و ينمو و بالنسبة لأبنتي ذات ال6 سنوات لم أحتاج ان ادخل فى المزيد من التفاصيل بل تركتها لنتعرف عليها لاحقا  و بما أننا نزرع بعض النباتات في منزلنا كان سهل عليها أن تعرف ان النباتات كائنات حية لأنها تنمو و تحتاج للمياة و تموت اذا أهملناها .   بدأنا الدرس بنشاط تصنيف بعض الألعاب المتوفرة في المنزل الي كائن حي و جماد و بعد ذلك استخدمنا بعض الصور في نشاط التصنيف. قمنا بعدها لأضافة نشاط اللغة العرية بأن جعلتها تطابق كروت أسماء بعض الصور الموجوده بكلماتها و ذلك يعتبر تمرين جيد علي القراءة  و لزيادة التدريبات راجعنا علي أسماء الأشارة من نضع أمامه هذا و من نضع أمامه هذه...
قراءة المزيد